വ്യാജ വാർത്തകളിൽ നിന്നും ജാഗ്രത പാലിക്കുക.

കുവൈറ്റ് സിറ്റി, സെപ്റ്റംബർ 18:

 ഗാർഹിക തൊഴിലാളികളുടെ ശമ്പളം വർദ്ധിപ്പിച്ചതായി ചില മാധ്യമങ്ങളിലും സോഷ്യൽ മീഡിയ പ്ലാറ്റ്ഫോമുകളിലും പ്രചരിക്കുന്ന റിപ്പോർട്ടുകൾ പബ്ലിക് അതോറിറ്റി ഫോർ മാൻപവർ (പിഎഎം) നിഷേധിച്ചു.

ഈ വിഷയത്തിൽ  സർക്കാർ അധികാരികൾ ഇതുവരെ ഒരു ഔദ്യോഗിക തീരുമാനവും പുറപ്പെടുവിച്ചിട്ടില്ലെന്ന് അതോറിറ്റി പ്ലാറ്റ്ഫോം X-ലെ ഔദ്യോഗിക അക്കൗണ്ടിൽ പോസ്റ്റ് ചെയ്ത പ്രസ്‌താവനയിൽ സ്ഥിരീകരിച്ചു

അത്തരം അവകാശവാദങ്ങൾ അടിസ്ഥാനരഹിതമാണെന്ന് PAM ഊന്നിപ്പറഞ്ഞു, വേതനമോ റിക്രൂട്ട്മെന്റ് കരാറുകളോ സംബന്ധിച്ച ഏതൊരു തീരുമാനങ്ങളോ നടപടിക്രമങ്ങളോ പരസ്യമായി പ്രഖ്യാപിക്കുകയും ശരിയായി രേഖപ്പെടുത്തുകയും ചെയ്യുന്ന ഔദ്യോഗിക മാർഗങ്ങളിലൂടെ മാത്രമേ അംഗീകരിക്കാൻ കഴിയൂ എന്ന് ഊന്നിപ്പറഞ്ഞു.

വിവരങ്ങൾ പങ്കിടുന്നതിനുമുമ്പ് അത് പരിശോധിച്ചുറപ്പിക്കണമെന്നും കൃത്യമായ അപ്ഡേറ്റുകൾക്കായി ഔദ്യോഗിക ഉറവിടങ്ങളെ മാത്രം ആശ്രയിക്കണമെന്നും അതോറിറ്റി പൊതുജനങ്ങളോട് അഭ്യർത്ഥിച്ചതായി പ്രദേശീക മാധ്യമം റിപ്പോർട്ടിൽ പറയുന്നു 

 നവംബർ ഒന്നു മുതൽ ഗാർഹിക തൊഴിലാളികളുടെ ശമ്പളവും തൊഴിൽ വിവരങ്ങളും ഡിജിറ്റലൈസ് ആക്കുന്നതിനെ കുറിച്ചുള്ള ഒരു വാർത്ത കഴിഞ്ഞദിവസം പുറത്തുവന്നിരുന്നതിനെ ചുറ്റിപറ്റി ആയിരിക്കണം വ്യാജവാർത്ത പ്രചരിച്ചത് എന്നു കരുതുന്നു.

വ്യാജ വാർത്തകൾ പ്രചരിപ്പിക്കുന്നത് നിയമപരമായി കുറ്റകരവും ശിക്ഷാർഹവുമാണ്.

:-Chittar Jose.