ഇന്ത്യൻ അംബാസഡർ ജിലീബ് ഔട്ട്‌സോഴ്‌സിംഗ് സെന്ററിൽ ഓപ്പൺ ഹൗസ് നടത്തി

കുവൈറ്റിലെ ഇന്ത്യൻ അംബാസഡർ ഡോ ആദർശ് സ്വൈക ഇന്ന് ജിലീബ് അൽ ഷുയൂഖിലെ ഇന്ത്യൻ എംബസിയുടെ ബിഎൽഎസ് ഔട്ട്‌സോഴ്‌സിംഗ് സെന്ററിൽ പരിശോധന നടത്തി. പാസ്‌പോർട്ട്  പുതുക്കലും വിവിധ സത്യവാങ്മൂലങ്ങളും ഉൾപ്പെടെ വിവിധ സേവനങ്ങൾക്കായി കേന്ദ്രത്തിൽ സ്വീകരിച്ച നടപടികളും നടപടിക്രമങ്ങളും അംബാസഡർ പരിശോധിച്ചു.

പരിഹരിക്കപ്പെടാത്ത പരാതികളുള്ള ഇന്ത്യൻ പൗരന്മാരെ കാണുന്നതിനായി അംബാസഡർ ഡോ സൈക്ക കേന്ദ്രത്തിൽ ഒരു ഓപ്പൺ ഹൗസും നടത്തി. നിരവധി ഇന്ത്യക്കാർ അംബാസഡറെ കാണുകയും വിവിധ പരാതികൾ അദ്ദേഹവുമായി ചർച്ച ചെയ്യുകയും ചെയ്തു.