സ്ത്രീകൾക്കെതിരെയുള്ള അക്രമം ഇരട്ടിയായി വർധിച്ചു

2022-ൽ നവംബർ വരെ 860 അക്രമ കേസുകൾ,

സൈബർ അക്രമത്തിന് വിധേയരായവരുടെ എണ്ണം 412

80% കേസുകൾ ഭേഷണിപ്പെടുത്തി പിൻവലിപ്പിച്ചു

കുവൈറ്റ് -നടപ്പു വർഷം  രാജ്യത്തു സ്ത്രീകൾക്കെതിരെ ഉള്ള  അതിക്രമങ്ങളുടെ വ്യാപ്തി വർദ്ധിച്ചതായി റിപ്പോർട്ട്കൾ  രേഖപെടുത്തുന്നു .അതേസമയം തങ്ങളുടെ അവകാശങ്ങൾ നേടിയെടുക്കാൻ മനുഷ്യാവകാശ, സുരക്ഷാ അധികാരികളെ സമീപിക്കുന്ന സ്ത്രീകളുടെ എണ്ണത്തിലും വർദ്ധനവുണ്ടായിട്ടുണ്ട്  . സ്ത്രീകൾക്കിടയിൽ അവബോധം വര്ദ്ധിച്ചതാണ് ഇതിനു കാരണമെന്നു പ്രാദേശിക പത്രം റിപ്പോര്ട്ട്  ചെയ്യുന്നു .

ഗാർഹിക പീഡന കേസുകൾ സ്വീകരിക്കുന്നതിന് പബ്ലിക് പ്രോസിക്യൂഷന് വേണ്ടിയുള്ള റിപ്പോർട്ടിംഗ് സംവിധാനം മെച്ചപ്പെടുത്തിയതിനാൽ  അടിച്ചമർത്തപ്പെട്ട സ്ത്രീകൾക്ക് നിയമ പരിരക്ഷ വിപുലീകരിക്കുന്നതിന് ഏറെ സഹായകമായി. 2021-ൽ 138 അടിച്ചമർത്തപ്പെട്ട സ്ത്രീകൾ മനുഷ്യാവകാശ-സുരക്ഷാ അധികാരികളെ സമീപിച്ചതായി   ഹ്യൂമൻ റൈറ്റ്‌സ് സൊസൈറ്റി  പുറത്തുവിട്ട പ്രത്യേക റിപ്പോർട്ടിൽ  പറയുന്നു  . ഹ്യൂമൻ റൈറ്റ്‌സ് സൊസൈറ്റികുവൈറ്റ് നടത്തിയ പഠനത്തിൽ 2022-ൽ നവംബർ വരെ 860 അക്രമ കേസുകൾ രജിസ്റ്റർ ചെയ്തിട്ടുണ്ട് -ഇതു  മുൻ വർഷങ്ങളിൽ ഫയൽ ചെയ്ത കേസുകളുടെ ഇരട്ടിയാണ് .

പഠനമനുസരിച്ച്, ഈ വർഷം ദുരുപയോഗം ചെയ്യപ്പെട്ട സ്ത്രീകളുടെ കേസുകൾ സാമ്പത്തികം, മാനസികം, വൈകാരികം, ശാരീരികം, മനുഷ്യക്കടത്ത് എന്നിങ്ങനെ തരംതിരിച്ചിട്ടുണ്ട് - ആകെ 345 പരാതികൾലഭിച്ചിട്ടുണ്ട് ; അതേസമയം, സൈബർ അക്രമത്തിന് വിധേയരായവരുടെ എണ്ണം 412 ആയി.

രാജ്യത്ത് വർദ്ധിച്ചുവരുന്ന സ്ത്രീകൾക്കെതിരായ അതിക്രമങ്ങൾ കൈകാര്യം ചെയ്യുന്നതിന് ഇരകൾക്ക് അഭയകേന്ദ്രങ്ങൾ ഒരുക്കണമെന്നും ഗാർഹിക പീഡനങ്ങൾക്കായുള്ള ദേശീയ സമിതിയുടെ പങ്ക് സജീവമാക്കണമെന്നും കുവൈറ്റ് സൊസൈറ്റി ഫോർ നാഷണൽ ഫ്രറ്റേണിറ്റി ഡയറക്ടർ ബോർഡ് അധ്യക്ഷ ഡോ.ബിബി അഷൂർ സർക്കാരിനോട് ആവശ്യപ്പെട്ടു. സ്ത്രീകളുടെ അവകാശങ്ങൾ ഉറപ്പുനൽകുന്നതിലും മുൻകാലങ്ങളിൽ പീഡനത്തിനിരയായ സ്ത്രീകളെ സംരക്ഷിക്കുന്നതിലും സിവിൽ സൊസൈറ്റി പ്രസ്ഥാനങ്ങൾ സർക്കാരുമായും പാർലമെന്റുമായും ഏകോപിപ്പിച്ചിരുന്നുവെന്ന് അവർ ദിനപത്രത്തോട് പറഞ്ഞു;  സ്ത്രീകൾക്കെതിരായ മനുഷ്യത്വരഹിതമായ പ്രവൃത്തികൾ കുവൈറ്റ് സമൂഹം ഉൾപ്പെടെയുള്ള അറബ് സമൂഹങ്ങളിൽ 'നാണക്കേടിന്റെ സംസ്കാരം' സൃഷ്ടിക്കപ്പെടുന്നു .  അതിനാൽ  സ്ത്രീകളെ സംരക്ഷിക്കുന്നതിലും ശാരീരികവും ,മാനസികവുമായി  അടിച്ചമർത്തപ്പെട്ട സ്ത്രീകൾക്ക് അഭയം നൽകുന്നതിലും അവർ തങ്ങളുടെ ശ്രമങ്ങളെ  കൂടുതൽ ശക്തമാക്കേണ്ടതുണ്ടന്നു  മാധ്യമപ്രവർത്തകനും രാഷ്ട്രീയ പ്രവർത്തകനുമായ ഇഖ്ബാൽ അൽ അഹമ്മദ് ചൂണ്ടിക്കാട്ടി.

2021 ലെ കണക്കു പ്രകാരം ഗാർഹിക പീഡന കേസിൽ 80 %വും പ്രതികളുടെ ഭീഷണിയെ തുടർന്ന്പിൻവലിക്കുകയുണ്ടായി പിന്നീട് യാതൊരുവിധ തുടരന്വേഷണവും ആരും ആവശ്യപ്പെട്ടിട്ടില്ല. ഇങ്ങനെ ചെയ്യുന്നത്  പ്രതികളെ വീണ്ടും കുറ്റകൃത്യം ചെയ്യാൻ പ്രേരിപ്പിക്കുന്നുവെന്ന് അദ്ദേഹം ചൂണ്ടിക്കാട്ടി

  ഇരകളുടെ സുരക്ഷ ഉറപ്പാക്കുന്നതിൻറെ ഭാഗമായി  ഗാർഹിക പീഡനക്കേസുകൾ രമ്യമായി പരിഹരിക്കുന്നതിന് ശേഷവും പ്രത്യേക ഏജൻസികൾ സ്ഥാപിക്കുന്നതിനുള്ള നിയമനിർമ്മാണം നടത്തേണ്ടതിന്റെ ആവശ്യകത അദ്ദേഹം ഊന്നിപ്പറഞ്ഞു. രേഖപ്പെടുത്തിയിരിക്കുന്ന അക്രമ കേസുകളിൽ 89 ശതമാനവും സൈബർ ഭീഷണിപ്പെടുത്തൽ, വ്യക്തിഗത വിവരങ്ങൾ പ്രസിദ്ധീകരിക്കുമെന്ന് ഭീഷണിപ്പെടുത്തൽ, അനാവശ്യ സന്ദേശങ്ങൾ അയയ്ക്കൽ എന്നിവ ഉൾപ്പെടുന്നതാണ് .ഗാർഹിക പീഡനത്തിന് സാക്ഷ്യം വഹിക്കുന്ന ആർക്കും  അത് അധികാരികളെ അറിയിക്കാൻ ഗാർഹിക പീഡന നിയമം അനുശാസിക്കുന്നു വെന്നും അങ്ങനെ ചെയ്യാത്തവർക്കെതിരെ  ശിക്ഷാ നിയമപ്രകാരം - ഒരു വർഷത്തിൽ കൂടാത്ത തടവ് ശിക്ഷ ലഭിക്കുമെന്നും അദ്ദേഹം വിശദീകരിച്ചു. അക്രമക്കേസുകൾ കൈകാര്യം ചെയ്യുന്നതിൽ സർക്കാർ ഏജൻസികൾ തമ്മിലുള്ള ശക്തമായ ഏകോപനം സൊസൈറ്റിയുടെ പരാതി കമ്മിറ്റി ചെയർമാൻ മിഷാരി അൽ-സനദ് സമർഥിച്ചു ; 

ഗാർഹിക പീഡനത്തിൽ നിന്ന് സൈബർ അക്രമത്തിലേക്ക്  ചില സ്ത്രീകൾ വിധേയരാണെന്ന് അവർ വെളിപ്പെടുത്തി; സൈബർ അക്രമത്തിന്റെയോ ഭീഷണിപ്പെടുത്തലിന്റെയോ ഇരകളെ സംരക്ഷിക്കുന്നതിനുള്ള ശ്രമങ്ങൾ ഊർജിതമാക്കാൻ ആഭ്യന്തര മന്ത്രാലയത്തോട്  അഭ്യർഥിച്ചു .

രജിസ്റ്റർ ചെയ്ത മനുഷ്യക്കടത്ത് കേസുകളിൽ,  സ്ത്രീകൾക്കും പെൺകുട്ടികൾക്കും എതിരായി നടക്കുന്ന അക്രമങ്ങളിൽ ഒന്നായി കണക്കാക്കപ്പെടുന്നു അല്ലെങ്കിൽ ബലപ്രയോഗത്തിലൂടെയോ വഞ്ചനയിലൂടെയോ ആളുകളെ ചൂഷണം ചെയ്യുന്ന   103 കേസുകൾ ഇതുവരെ രേഖപ്പെടുത്തിയിട്ടുണ്ട്.അൽ-സനദ് പറഞ്ഞു.

cj