പ്രവാസികളുടെ ചികിത്സാ ചെലവ് വർധിപ്പിച്ചു

മരുന്നുകളുടെ ഫീസ് വർദ്ധിപ്പിച്ചു.

 പരിശോധനകൾക്കും ഫീസ് ഈടാക്കും.

 മനുഷ്യാവകാശ പ്രതിനിധിയുടെ എതിർപ്പ്.

കുവൈറ്റ് സിറ്റി, :

വാർഷിക ആരോഗ്യ ഇൻഷുറൻസിനായി പ്രവാസികൾക്ക് നൽകുന്ന മെഡിക്കൽ സേവനങ്ങളുടെ ഫീസ് അവരുടെ റസിഡൻസി പെർമിറ്റുകൾ പുതുക്കുന്നതിനൊപ്പം ഇനിയും വർധിപ്പിക്കുന്നത് അനുവദനീയമല്ലെന്ന് ഗ്രീവൻസ് ആൻഡ് കംപ്ലയിന്റ് കമ്മിറ്റി അംഗവും ദേശീയ മനുഷ്യാവകാശ ബ്യൂറോയുടെ ഉപദേശകനുമായ ഹംദാൻ അൽനിംഷാൻ പറഞ്ഞു.

പരിമിതമായ വരുമാനമുള്ള പ്രവാസികൾക്ക് പുതിയ ഫീസ് താങ്ങാൻ കഴിയാത്തതിനാൽ രോഗവും വേദനയും സഹിക്കേണ്ടി വരുന്നതിലും അപ്പുറമാണ് വർധിപ്പിച്ച ഫീസ് എന്ന് അദ്ദേഹം ചൂണ്ടിക്കാട്ടി.പ്രത്യേകിച്ചും കുവൈറ്റിനെ അന്താരാഷ്ട്ര മാനുഷിക കേന്ദ്രമായി പ്രഖ്യാപിച്ചതിനാൽ ഈ തീരുമാനം മനുഷ്യാവകാശ നിയമത്തിന് വിരുദ്ധമാണെന്നും ഇത് പിൻവലിക്കണമെന്നും അദ്ദേഹം ഊന്നിപ്പറഞ്ഞു, . (അൽ-സെയാസ്സ / അറബ് ടൈംസ്)

താമസക്കാരും മെഡിക്കൽ ഇൻഷുറൻസ് ഉള്ളവരും ഉയർന്ന മെഡിസിൻ ഫീസ് നൽകണമെന്ന് വ്യവസ്ഥ ചെയ്യുന്ന മന്ത്രിതല തീരുമാനം ഞായറാഴ്ച പുറപ്പെടുവിച്ചതായി ആരോഗ്യ മന്ത്രാലയം അറിയിച്ചിരുന്നു.

രാജ്യത്തുടനീളമുള്ള പ്രൈമറി ഹെൽത്ത് ക്ലിനിക്കുകളിലെയും ആശുപത്രികളുടെ എമർജൻസി റൂമുകളിലെയും ഫാർമസികൾക്ക് മെഡിസിൻ ഫീസായി 5 KD ഫീസ് നൽകേണ്ടതുണ്ട്, ഔട്ട്‌പേഷ്യന്റ് ക്ലിനിക്കുകളിൽ വിതരണം ചെയ്യുന്ന മരുന്നിന് 10 KD ഫീസ് നൽകേണ്ടിവരുമെന്ന് പ്രസ്താവന വെളിപ്പെടുത്തി. പ്രൈമറി ഹെൽത്ത് ക്ലിനിക്കുകളിലും ഹോസ്പിറ്റലുകളിലെ എമർജൻസി റൂമുകളിലും മെഡിക്കൽ ചെക്കപ്പുകൾക്ക് KD 2 ഫീസ് ബാധകമാകുമെന്നും ഔട്ട്‌പേഷ്യന്റ് ക്ലിനിക്കുകൾക്ക് KD 10 ആയിരിക്കും. ചില മേഖലകളെ ഫീസിൽ നിന്ന് ഒഴിവാക്കും, നിലവിലെ തീരുമാനം 2022 ഡിസംബർ 18 മുതൽ പ്രാബല്യത്തിൽ വരുമെന്നാണു പ്രസ്താവനയിൽ അറിയിച്ചിരുന്നത്

മെഡിക്കൽ സപ്ലൈസ് പാഴാക്കുന്നത് തടയാനും ആരോഗ്യ സേവനങ്ങൾ ഉയർത്താനും ലക്ഷ്യമിട്ടാണ് തീരുമാനമെന്ന് മന്ത്രാലയം കഴിഞ്ഞുദിവസം പത്രക്കുറിപ്പിൽ അറിയിച്ചിരുന്നു .(KUNA)