നടി -സുബി അന്തരിച്ചതെങ്ങനെ?

(ചിറ്റാർ ജോസ് )

എറണാകുളം:- ചലച്ചിത്ര, ടെലിവിഷൻ രംഗത്ത് ജനപ്രീതി നേടിയ ഹാസ്യ നടിയായും അവതാരകയുമായി മാറിയ സുബി സുരേഷ്(41) 2023 ഫെബ്രുവരി 22 രാവിലെ 9:35ന് ആലുവ രാജഗിരി ആശുപത്രിയിൽവച്ചു നിര്യാതയായി.

 1993 ഓഗസ്റ്റ് 13 ഏറെ ജനശ്രദ്ധ ആകർഷിച്ച സിനിമാല എന്ന ടിവി കോമഡി പരിപാടിയുടെ അവതാരകയാണ് രംഗപ്രവേശനം ചെയ്തത്. സ്ത്രീ കഥാപാത്രങ്ങൾ കൈകാര്യം ചെയ്യാൻ മടിച്ചു നിന്ന  കൊമേഡിയൻ രംഗത്ത് വിപ്ലവകരമായ ഒരു മാറ്റം കൊണ്ടുവരുവാനും കൂടുതൽ സ്ത്രീകൾ കോമഡി രംഗത്തേക്ക് കടന്നുവരുവാനും ഒരു വഴിത്തിരിവായി. 2019 പുറത്തിറങ്ങിയ തസ്ക്കര ലവള എന്ന ടിവി കോമഡി പരിപാടിയിൽ  കാര്യമായ ഒരു കഥാപാത്രത്തെ അവതരിപ്പിച്ചു.

 2012ൽ പുറത്തിറങ്ങിയ ഗൃഹനാഥൻ എന്ന സിനിമയിൽ നല്ലൊരു വേഷം ലഭിക്കുകയുണ്ടായി.

 നടി എന്നതിലുപരി നല്ല ഒരു അവതാരക എന്ന രീതിയിലാണ് സുബി ഏറെ തിളങ്ങിയത് കുട്ടിപ്പട്ടാളം എന്ന കുട്ടികളുടെ പ്രോഗ്രാം  ചില വിമർശനങ്ങൾക്കിടയാക്കിയെങ്കിലും സുബിയുടെ അവതരണം ഏറെ ജനപ്രീതി നേടിയിരുന്നു.

 ഇന്ത്യയ്ക്കകത്തും പുറത്തുമായി എണ്ണമറ്റ കോമഡി ഷോകളിൽ സുബി നിറസാന്നിധ്യമായിരുന്നു.

 കഴിഞ്ഞ കുറെ നാളുകളായി സുബി ശാരീരിക ബുദ്ധിമുട്ടുകൾ അനുഭവിച്ചു വരികയായിരുന്നു. ചിട്ടയായ ഭക്ഷണക്രമം പാലിച്ചു വരികയായിരുന്നു. ചികിത്സയിലൂടെ ആരോഗ്യസ്ഥിതി  തൃപ്തിയായ സുബി വീണ്ടും കലാരംഗത്ത് നിറഞ്ഞുനിന്നു. ഇതിനിടയിലാണ് കരൾ രോഗം മൂർച്ഛിച്ചു ആലുവ രാജഗിരി ആശുപത്രിയിൽ രണ്ടാഴ്ച മുൻപ് പ്രവേശിപ്പിച്ചത്.

 കരൾ രോഗത്തോടൊപ്പം നിമോണിയ കൂടി പിടിപെട്ടത് സുബിയുടെ മരണത്തിനിടയാക്കി. രാവിലെ 9:35ന് കലാസ്വാദകരെ കണ്ണീരിലാഴ്ത്തി ആ ചിരി മറഞ്ഞു പോയി.

 അവിവാഹിതയാണ്, വിവാഹിതയാണ് എന്നൊരു വാർത്തയും ഒരുകാലത്ത് പ്രചരിച്ചിരുന്നു എന്നാൽ സുബി സുരേഷ് തന്റെ സ്വകാര്യ ജീവിതത്തേ കുറിച്ചുള്ള കാര്യങ്ങൾ പരസ്യമായിപങ്കുവെക്കാൻ താല്പര്യപ്പെടാത്ത ആളായിരുന്നു. വിവാദങ്ങളിൽ നിന്ന്  എപ്പോഴും ഒഴിഞ്ഞു നിൽക്കുവാനാണ്  ആഗ്രഹിച്ചിരുന്നത്. തന്റേതായ നിലയിൽ കൃത്യമായ ആധുര സേവനരംഗത്തും സജീവമായിരുന്നു.