കണ്ണൂരിൽ കാർ വീട്ടുമുറ്റത്തെ കണറ്റിൽ വീണു രണ്ടു മരണം

കണ്ണൂർ: ആലക്കോട്  ഇന്ന് രാവിലെ നിയന്ത്രണം വിട്ട കാർ വീട്ടുമുറ്റത്തുള്ള കിണറ്റിലേക്ക് മറിഞ്ഞു ഉണ്ടായ അപകടത്തിൽ ഗൃഹനാഥൻ താരാമംഗലത്ത് മാത്തുക്കുട്ടി(58) യുടെ മരണത്തിന് പിന്നാലെ ഗുരുതരമായി പരിക്കേറ്റ് ആശുപത്രിയിൽ ചികിത്സയിലായിരുന്ന മകൻ വിൻസ് മാത്യു (18 )മരണമടഞ്ഞു. ഇതോടെ അപകട സമയത്ത് കാറിൽ ഉണ്ടായിരുന്ന രണ്ടു പേരും മരിച്ചു.

മാനന്തവാടി രൂപത ബിഷപ്പ് അലക്സ് താരാമംഗലത്തിന്റെ സഹോദരനാണ് മാത്തുക്കുട്ടി .

 ഇന്ന് രാവിലെ 10 മണിക്ക് ശേഷം വീട്ടുമുറ്റത്ത് നിന്നും മകൻ വിൻസ് ഡ്രൈവിംഗ് പഠിക്കാനായി കാർ ഇറക്കവേ  നിയന്ത്രണം വിട്ട  കിണറിന്റെ കൈവരി ഇടിച്ചുകൊണ്ട് കിണറ്റിലേക്ക് വീഴുകയായിരുന്നു. ഇ സമയം പിതാവ് മാത്തുക്കുട്ടി പിൻ സീറ്റിലായിരുന്ന ഇരുന്നത്  . ഒരു മണിക്കൂറിനു ശേഷം  തളിപ്പറമ്പിൽ നിന്നും രക്ഷാസേനകൾ എത്തിയാണ് കാറിന്റെ ഉള്ളിൽ നിന്നും ഇരുവരെയും  പുറത്തെടുത്തത്. പുറത്തെടുക്കുമ്പോഴേക്കും മാത്തുക്കുട്ടിയുടെ മരണം സംഭവിച്ചിരുന്നു. ഗുരുതരമായി പരിക്കേറ്റ മകനെ ആശുപത്രിയിൽ എത്തിച്ചെങ്കിലും  ഉച്ചയോട് കൂടി മരണപ്പെടുകയുണ്ടായി. . 

-ചിറ്റാർ ജോസ് .